Атқарушы орган

Компанияның ағымдағы қызметіне басшылықты Басқарма нысанындағы алқалы атқарушы орган жүзеге асырады.

Басқарма Директорлар кеңесімен ынтымақтастық, барлық мүдделі тараптармен өзара іс-қимыл жасау рухында өзара іс-қимыл жасай отырып, Компания қызметінің, даму стратегиясының, даму жоспарының және Жалғыз акционер мен Басқарушы орган қабылдаған шешімдердің сәйкестігін қамтамасыз етеді.

Атқарушы органның төрағасы мен мүшелері өз функцияларын орындау үшін қажетті жеткілікті білімге, дағдыларға және тәжірибеге, сондай-ақ мінсіз іскерлік пен жеке беделге ие.

Басқарма құрамы:

Осы Жылдық есепті бекіту күніне сәйкес Атқарушы органның құрамындағы өзгерістер

«Самұрық-Энерго» АҚ Директорлар кеңесінің 2022 жылғы 27 қаңтардағы шешімімен (№01/22 хаттама) Басқарма мүшесі Руслан Қазбекұлы Жатқанбай өз өкілеттігін тоқтатты.

Директорлар кеңесінің 2022 жылғы 27 мамыр шешімімен (№ 06/22 хаттама) Ивченко Елена Дмитриевна және Әділкерімов Арман Әділкерімұлы «СамұрықЭнерго» АҚ Басқарма мүшесі болып сайланды.

БАСҚАРМА ҚЫЗМЕТІ

«Самұрық-Энерго» АҚ Басқармасы отырыстарының саны

Басқарма сырттай нысандағы отырыстарды өткізу жағдайларын шектеді. Тікелей нысандағы отырыстарда Даму стратегиясын іске асыру, Жалғыз акционердің, Директорлар кеңесінің шешімдері және операциялық қызмет мәселелері талқыланды. Еңбекті қорғау және қауіпсіздік техникасы мәселелеріне ерекше назар аударылды.

Негізгі қаралған мәселелер

«Самұрық-Энерго» АҚ компаниялар тобы бойынша: ЕТҰ ішкі нормативтік құжаттары, Компаниялар тобы қызметкерлерінің жалпы саны, ұйымдық құрылымы, штаттық кес­тесі, лауазымдық жалақыларының сызбалары бекітіліп, ЕТҰ инвестициялық жобалары, ЕТҰ жарғылық капиталдары мөлшерлерінің өзгеруіне қатысты мәселелер, ЕТҰ жарғыларына өзгерістер енгізу, «Самұрық-Энерго» АҚ өкілдерінің ЕТҰ органдарында дауыс беруіне қатысты ұстанымдарын анықтау және басқаларына қатысты мәселелер қаралды.

Басқарма мүшелеріне сыйақы беру

Компания Басқармасының қызметін бағалау және сыйақы беру шарттары мен тәртібін белгілеу мақсатында «Самұрық-Энерго» АҚ басшы және басқарушы қызметкерлерінің қызметін бағалау және оларға сыйақы беру қағидалары» жұмыс істейді.

Қағида мынадай қағидаттарға сүйенеді:

1. сыйақының Компания мен оның акционерінің мүдделеріне сәйкес келетін міндеттердің орындалуымен өзара байланыстылығы;
2. сыйақы мөлшерін анықтау қағидаттарының қарапайымдылығы мен ашықтығы;
3. сыйақы мөлшерінің Компания қызметінің нәтижелеріне және қызметкерлердің нәтижелілігіне тәуелділігі.

Атқарушы органның басшысы мен мүшелерін Директорлар кеңесі бағалайды. Бағалаудың негізгі критерийі алға қойылған ҚНК-ге қол жеткізу болып табылады.

Негізгі басқарушы персоналдың сыйақысы қызметкерлердің жалақысын, сыйақысын және өзге де қысқа мерзімді сыйақыларын білдіреді. Негізгі басқарушы персонал 2021 жылғы 31 желтоқсандағы жағдай бойынша 4 адамнан тұрады (2020 жылғы 31 желтоқсан: 5 адам).

Басқарма комитеттері

Басқарма жанында сарапшыларға мейлінше күрделі мәселелерді шешуде көмек көрсету үшін құрылған консультативтік-кеңесші органдар жұмыс істейді.

Барлық комитеттер Қоғам Басқармасына есеп береді және осы органдар туралы ережелерге сәйкес өздеріне Басқарма берген құзырет шегінде әрекет етеді.

Тәуекелдер жөніндегі комитет

Комитет Басқармаға Компанияның тәуекелдерін басқару және ішкі бақылау саласында шешімдер қабылдауына көмектеседі, тәуекелдерді басқарудың тиімді жүйесін, ішкі бақылауды ұйымдастыру, жүргізу, олардың жұмыс істеуін қамтамасыз ету және тәуекелдерді анықтауға, өлшеуге, бақылауға және басқаруға арналған процестерді дамыту бойынша ұсынымдар мен ұсыныстар дайындайды. Комитет сонымен бірге осы салалардағы жұмыстардың үйлестірілуін бақылау бойынша ұсыныстар әзірлеумен айналысады.

Комитет құрамы:

• Комитет төрағасы – Тәуекелдер және құқықтық мәселелер жөніндегі басқарушы директор;
• Комитет төрағасының орынбасары – Бизнесті трансформациялау жөніндегі басқарушы директор;
• Комитет мүшелері – Бизнесті трансформациялау жөніндегі басқарушы директор, Дамыту және сату жөніндегі басқарушы директор; Экономика және қаржы жөніндегі басқарушы директор; Өндіріс және активтерді басқару жөніндегі басқарушы директор; Қамтамасыз ету жөніндегі басқарушы директор; «Тәуекел Менеджменті және Ішкі Бақылау» департаментінің директоры; Ішкі Аудит қызметінің басшысы (дауыс беру құқығынсыз); «Комплаенс» қызметінің комплаенс-офицері (дауыс беру құқығынсыз).

Қызметті жоспарлау және бағалау комитеті

Комитеттің негізгі мақсаты – «Самұрық-Энерго» АҚ компаниялар тобы қызметінің тиімділігін арттыру, оның ішінде олардың активтері мен шығындарының құрылымын оңтайландыру, ҚНК-ге мониторинг жүргізу, Даму жоспарларын, қаржылық есептілікті қарау.

Комитет құрамы:

• Комитет төрағасы – Экономика және қаржы жөніндегі басқарушы директор;
• Комитет төрағасының орынбасары – Дамыту және сату жөніндегі басқарушы директор;
• Комитет мүшелері – Өндіріс және активтерді басқару жөніндегі басқарушы директор; Бизнесті трансформациялау жөніндегі басқарушы директор; Қамтамасыз ету жөніндегі басқарушы директор; Тәуекелдер және құқықтық мәселелер жөніндегі басқарушы директор; «Қаржылық Бақылау» департаментінің директоры; «Баға Мониторингі және Санаттарды Басқару» департаментінің директоры; Ішкі Аудит Қызметінің аудиторы (дауыс беру құқығынсыз).

Инвестициялық-инновациялық кеңес

Кеңес «Самұрық-Энерго» АҚ компаниялар тобы бойынша инвестициялық және инновациялық қызметтің тиімділігін арттыруға ықпал етеді.

Осы мақсаттар үшін Кеңес инвестициялық және инновациялық қызметке, инвестиция алды және инвестициялық жобалар сатысының белгіленген кезеңдерін іске асыруға, келесі сатыға көшуге қатысты ұсыныстар әзірлейді, Компанияның басқа заңды тұлғалардың акцияларын (қатысу үлестерін), оның ішінде жер қойнауын пайдаланумен байланысты объектінің жер қойнауын пайдалану құқығын сатып алудағы басымдық құқығын іске асыру аясында сатып алу және иеліктен шығару, «Самұрық-Энерго» АҚ компаниялар тобын сыртқы заңды тұлғалармен біріктіру, инвестициялық жобалар аясында заңды тұлғаларды құру бойынша ұсынымдар әзірлейді.

Комитет құрамы:

• Комитет төрағасы – Басқарма Төрағасы;
• Комитет төрағасының орынбасары – Өндіріс және активтерді басқару жөніндегі басқарушы директор;
• Комитет мүшелері – Дамыту және сату жөніндегі басқарушы директор; Экономика және қаржы жөніндегі басқарушы директор; Бизнесті трансформациялау жөніндегі басқарушы директор; Қамтамасыз ету жөніндегі басқарушы директор; Тәуекелдер және құқықтық мәселелер жөніндегі басқарушы директор; «Жобалар Портфелін Басқару» Офисінің басшысы; «Комплаенс» қызметінің басшысы – дауыс беру құқығынсыз сарапшы ретінде; «Самұрық-Энерго» АҚ Ішкі Аудит Қыз­метінің бас аудиторы – дауыс беру құқығынсыз сарапшы ретінде.

Кредит комитеті

Кредит комитетінің негізгі міндеттері «Самұрық-Энерго» АҚ активтері мен пассивтерінің құрылымын тиімді басқару жөнінде ұсынымдар әзірлей отырып, кредиттерді (қарыз­дарды) тартуға, беруге, қаржылық көмек көрсетуге және кепілдіктер беруге, тәуекелдерді барынша азайтуға байланысты мәселелер бойынша уақтылы және сапалы шешімдер қабылдауды қамтамасыз ету болып табылады.

Комитет құрамы:

• Комитет төрағасы – Экономика және қаржы жөніндегі басқарушы директор;
• Комитет мүшелері – Өндіріс және активтерді басқару жөніндегі басқарушы директор; Тәуекелдер және құқықтық мәселелер жөніндегі басқарушы директор; «Қазынашылық және Корпоративтік Қаржы» департаментінің директоры; «Тәуекел Менеджменті және Ішкі Бақылау» департаментінің директоры; «Жобалар Портфелін Басқару» офисінің басшысы.
• Тәуелсіз сарапшы – «Комплаенс» қызметінің басшысы

Өндірістік қауіпсіздік, еңбекті және қоршаған ортаны қорғау комитеті

Комитет қызметінің мақсаты еңбекті және қоршаған ортаны қорғаумен байланысты тәуекелдерді сәйкестендіру және басқару саясаттары мен жүйелердің тиімділігін бағалау мәселелері бойынша тиісті ұсыныстар беру арқылы Компанияның еңбекті және қоршаған ортаны қорғау жөніндегі мәселелерді шешуде тиімді жұмысын қамтамасыз ету; өлімге әкеп соқтыратын барлық жазатайым оқиғаларды, сондай-ақ маңызды инциденттерді және мұндай оқиғалар мен инциденттер нәтижесінде жасалатын шараларды талдау; еңбекті және қоршаған ортаны қорғау бөлігінде кез келген тәуеліз аудиторлық тексерістердің нәтижелерін зерттеу, қозғалатын мәселелерге жауап ретінде әзірленген кез келген стратегияларға және іс-қимыл жоспарларына шолу және мүмкін болған жағдайда Директорлар кеңесіне аталған мәселелерге қатысты ұсыныстар беру болып табылады.

Комитет құрамы:

• Комитет Төрағасы – Басқарма Төрағасы:
• Комитет Төрағасының орынбасары – «Еңбекті және Қоршаған ортаны қорғау» департаментінің директоры;
• Комитет мүшелері – «Генерация және Отын» департаментінің директоры; «ЖЭК және Тарату» департаментінің директоры; «Корпоративтік Басқару және Орнықты Даму» департаментінің директоры; «Еңбекті және Қоршаған ортаны қорғау» департаментінің бас менеджері.