Директорлар кеңесі

Директорлар кеңесі басқару органы ретінде орнықты даму қағидаттары негізінде барлық стейкхолдерлердің мүдделерін ескере отырып, сараланған шешімдер қабылдау арқылы Компанияға стратегиялық басшылықты және қызметінің ұзақ мерзімді тиімділігін қамтамасыз етеді.

Компания Директорлар кеңесі құрамындағы тәжірибе мен жеке қабілеттеріне қатысты теңгерімділікке және әртүрлілікті қамтамасыз етуге ұмтылады. Директорлар кеңесі мүшелерінің саны Компания ауқымына, күрделілігіне, мақсаттары мен міндеттеріне сәйкес келеді, саны шамадан тыс болмайды және Директорлар кеңесінің немесе Директорлар кеңесі мүшелерінің шешім қабылдау процесінің қарқындылығын төмендетуге әсер етпейді.

Директорлар кеңесінің мүшелерін таңдау және ұсыну Жалғыз акционердің шешімімен және Корпоративтік кодекстің нормалары мен принциптеріне сәйкес жүзеге асырылады (толығырақ www.samruk-energy.kz сайтында қараңыз).

КОМПАНИЯДАҒЫ ДИРЕКТОРЛАР КЕҢЕСІНІҢ ҚҰРАМЫ

Кеңестің әрбір мүшесінің түйіндемесінің толық нұсқасымен мына сайтта танысуға болады: www.samruk-energy.kz.

Осы Жылдық есепті жариялау сәтіндегі Директорлар кеңесінің құрамындағы өзгерістер

Жалғыз акционердің 18.02.2022 жылғы шешімімен (№12/22 хаттама) Директорлар кеңесінің төрағасы Б. О. Ақшолақовтың өкілеттігі тоқтатылды.

Жалғыз акционердің 18.02.2022 жылғы шешімімен (№12/22 хаттама) Директорлар кеңесінің мүшесі А.Н. Кравченконың өкілеттігі тоқтатылды.

Жалғыз акционердің 2022 жылғы 18 ақпандағы шешімімен (№12/22 хаттама) Директорлар Кеңесінің төмендегідей мүшелері сайланды:

Казутин Николай Юрьевич – «Самұрық-Энерго» АҚ Директорлар кеңесінің төрағасы.

Репин Алексей Юрьевич – «Самұрық-Энерго» АҚ Директорлар кеңесінің мүшесі.

Жоғары деңгейдегі Директорлар кеңесі – Стратегиямызды табысты іске асырудың кепілі, сондықтан теңгерімді сақтау директорлар саны тұрғысынан ғана емес, сонымен қатар тәжірибе, дағды, білім мен ойлау стилінің сан алуандығы тұрғысынан да Кеңес құрамына қойылатын маңызды талап болып табылады.

Жалғыз акционер Директорлар кеңесінің мүшелерін қолданыстағы заңнамаға, Жарғыға және Директорлар кеңесі туралы Ережеге сәйкес кандидаттардың құзыреттерін, дағдыларын, жетістіктерін, іскерлік беделі мен кәсіби тәжірибесін ескере отырып, айқын және ашық рәсімдер негізінде сайлайды. Директорлар кеңесінің жекелеген мүшелерін немесе оның толық құрамын жаңа мерзімге қайта сайлау кезінде олардың Директорлар кеңесі қызметінің тиімділігіне қосқан үлесі назарға алынады.

Қазіргі Директорлар кеңесі мүшелерінің Компания дамуына үлкен үлес қосу үшін қажетті іскерлік дағдылары мен ойлау қабілеті бар. Директорлар кеңесінің мүшелері мінсіз іскерлік және жеке беделге ие және компанияның мүддесі үшін әрекет етеді және өз жұмысында тұрақты даму қағидаттарына негізделеді.

Директорлар кеңесінің құрамы салалық тәжірибе, дағдылар, халықаралық байланыстар және тәуелсіздік тұрғысынан теңдестірілген, бірақ гендерлік құрамдастық бойынша әртүрлілікті қамтамасыз етпейді.

Директорлар кеңесі қызметінің тиімділігін бағалау

Директорлар кеңесі, Директорлар кеңесінің комитеттері мен мүшелері Директорлар кеңесі бекіткен құрылымдалған процесс шеңберінде жыл сайынғы негізде бағалануға тиіс. Бағалау тәсілдері өзін-өзі бағалау немесе бағалау сапасын арттыру үшін тәуелсіз консультантты тарту болып табылады. Бұл ретте тәуелсіз консультантты тарта отырып бағалау кемінде үш жылда бір рет жүргізіледі.

2021 жылы корпоративтік басқаруды тәуелсіз диагностикалау шеңберінде тәуелсіз консультанттың Директорлар кеңесі, Комитеттер және Директорлар кеңесі мүшелері қызметінің тиімділігін бағалауы жүргізілді. Директорлар кеңесінің қызметін бағалаудың жалпы рейтингі «ВВ» деңгейін құрады және 2018 жылғы («В») рейтингке қатысты жоғарылады. Компанияның Директорлар кеңесінің қызметі барлық маңызды аспектілерде белгіленген критерийлердің көпшілігіне сәйкес келеді.

Директорлар кеңесінің қызметін бағалау нәтижесі корпоративтік басқару практикасын одан әрі дамыту жөніндегі бағыттарды көрсетті. Жүргізілген бағалау нәтижелері бойынша айқындалған іс-шаралар 2022 жылға арналған Корпоративтік басқаруды жетілдіру жөніндегі іс-шаралар жоспарына енгізілді.

Отырыстарды өткізу кестесі

Директорлар Кеңесінің отырыстары қаралатын мәселелердің тізбесі мен отырыстарды өткізу кестесін қамтитын күнтізбелік жыл басталғанға дейін бекітілетін жұмыс жоспарына сәйкес өткізіледі. Маңызды және стратегиялық сипаттағы мәселелер бойынша шешімдерді қарау мен қабылдау Директорлар кеңесінің бетпе-бет дауыс беру нысанындағы отырыстарында ғана жүзеге асырылады. Директорлар кеңесінің отырыстарына материалдар алдын ала, кемінде күнтізбелік 7 күн бұрын, ал аса маңызды мәселелер бойынша кемінде 15 жұмыс күні бұрын жіберіледі.

Қабылданатын шешімдердің тәуелсіздігі

Директорлар кеңесі қабылдайтын шешімдердің тәуелсіздігі Директорлар кеңесінің құрамында Тәуелсіз директорлардың болуымен қамтамасыз етіледі.

Тәуелсіз директорларды сайлаудың негізгі критерийі кез-келген тараптың ықпалынан тәуелсіз объективті шешімдер қабылдау үшін жеткілікті кәсіби деңгейде болуды әрі дербестікті қамтиды. Тәуелсіз директорлар Компанияда әлемдік үздік тәжірибе стандарттарын қолдану үшін тәжірибелерімен және білімдерімен белсенді түрде бөліседі.  Тәуелсіз директорлар - Директорлар кеңесінің Комитеттерін басқарады және халықаралық басқару тәжірибесін енгізеді.

Тәуелсіз директорлар мүдделер қақтығысы болуы мүмкін мәселелерді талқылауға белсене қатысады (қаржылық және қаржылық емес есептілікті дайындау, мүдделілік болуына қатысты мәмілелер жасасу, атқарушы органның құрамына кандидаттар ұсыну, атқарушы органның мүшелеріне сыйақы белгілеу). «Самұрық-Энерго» АҚ Тәуелсіз директоры тәуелсіздік мәртебесін жоғалтып алмау ықтималдығын қадағалайды.

2021 жылдың қорытындысы бойынша Компанияның Тә­уелсіз директорлары тәуелсіздік өлшемдеріне толық сәйкес келді.

Директорлар кеңесі отырыстарының динамикасы

Директорлар кеңесі қаржылық жыл басталғанға дейін бір жылға арналған жұмыс кестесін бекітеді және ол мақұлданғаннан кейін сол жоспарды ұстанады. Директорлар кеңесінің төрағасы Директорлар кеңесі отырыстарының күн тәртібіне Компания үшін неғұрлым маңызды болып табылатын барлық мәселелердің енгізілуіне бақылау жүргізеді.

2021 жылы Компанияның Директорлар кеңесі 204 мәселені қарады. Аса маңызды және стратегиялық сипаттағы мәселелер Директорлар кеңесінің күндізгі отырыстарында ғана қаралады. Компания директорлар Кеңесінің отырыс­тарын сырттай өткізу деңгейін азайтуға тырысады.

Директорлар кеңесін аса маңызды қаржылық және қаржылық емес проблемалар туралы хабардар ету рәсімі қолданыстағы заңнамаға және ішкі нормативтік құжаттарға сәйкес реттеледі. 2021 жылдың нәтижелері бойынша мұндай жағдайлар болған жоқ.

Директорлар кеңесі мүшелерінің отырыстарға қатысуы

Директорлар кеңесінің Компанияның стратегиясын анықтаудағы және оның орындалуын бақылаудағы рөлі

Директорлар кеңесі Компанияның негізгі құжаты – Даму стратегиясын әзірлеуге және оның орындалуына мониторинг жүргізуге тікелей қатысады.

Директорлар кеңесінің Компанияның Даму стратегиясы мәселелері бойынша атқаратын негізгі функциялары Компанияның Даму стратегиясын әзірлеу/өзектендіру, бекіту және оған мониторинг жүргізу болып табылады. «Самұрық-Энерго» АҚ 2021 жылы алдағы жылдарға арналған Даму стратегиясын өзектендіру бойынша ауқымды жұмыс жүргізді. Осы жұмыс барысында Стратегиялық жоспарлау комитеті, Директорлар кеңесі отырыстарының, стратегиялық сессиялардың шеңберінде макроэкономикалық және салалық үрдістер, нарықты дамыту перспективалары, ішкі ортаны талдау, PESTEL-талдау, SWOT-талдау, бенчмаркинг нәтижелері және т. б. мәселелер қаралды. Жұмыстың соңғы нәтижесі стратегиялық ҚНК мақсатты мәндерін есептеу болып табылады.

2021 жылы 10 стратегиялық сессия өткізілді, онда перс­пективада нарық үрдісіне және тарифтік реттеудегі өзгеріс­терге байланысты мәселелер, қолданыстағы қуаттардың операциялық тиімділігін арттыру, инновациялық даму, Компанияның қаржылық тұрақтылығын арттыру және басқа да көптеген мәселелер қаралды.

Директорлар кеңесінің тәуекелдерді басқару мен ішкі бақылаудың корпоративтік жүйесіндегі рөлі

Директорлар кеңесінің тәуекелдер мониторингіндегі рөлі шешімдер қабылдаудың тәуекелге бағдарланған тәсілі қағидатына негізделген. Басқару органы қабылдайтын барлық шешімдерге «осы шешімді қабылдаған және қабылдамаған жағдайдағы ықтимал тәуекелдер» деген тәсіл қолданылады. Компанияның Жарғысында органдар арасындағы жауапкершіліктің аражігі нақты ажыратылған: міндеттемелерді Қоғамның меншікті капиталы мөлшерінің 10 және одан да көп пайызына ұлғайту; басқа заңды тұлғалардың акцияларын 10 және одан да көп пайызына сатып алу немесе иеліктен шығару сияқты мәселелер, сондай-ақ акцияларының 10 және одан да көп пайызы «Самұрық-­Энерго» АҚ-ға тиесілі заңды тұлғалар қызметінің мәселелері бойынша міндеттемелер Директорлар Кеңесінің айрықша құзыретіне жатқызылған.

Директорлар кеңесі тәуекел тәбет – Компанияның операциялық, қаржылық және инвестициялық қызмет түрлері бойынша шектеулерді белгіледі. Бұл шектеулерге инвестицияларды игеру дәрежесі бойынша ең аз шектеулер; өндіруші қуаттардың техникалық дайындығы бойынша ең аз шектеулер; Цифрлық трансформация бағдарламасының Жол картасын іске асыру мерзімдері бойынша шектеулер, қаржылық сипаттағы шектеулер, мысалы, валюталық мәмілелер және өтімділік мәселелері; жаңа инвестициялар бойынша шектеулер және т. б. сияқты көрсеткіштер кіреді. Директорлар кеңесі Тәуекелдерді басқару жөніндегі есеп шеңберінде тоқсан сайынғы негізде жоғарыда көрсетілген барлық шектеулердің орындалуына үнемі егжей-тегжейлі мониторинг жүргізеді және қажет болған жағдайда нақты тапсырмалар береді. Осылайша, Компанияның Директорлар кеңесінің бастамасы бойынша жүйелі түрде тоқсан сайынғы негізде өтетін отырыстар шеңберінде «Самұрық-Энерго» АҚ-ның ақпараттық қауіпсіздігіне, өндірістік қауіпсіздігіне, қуаттардың жүктеме көтеруге өндірістік дайындық деңгейіне, кредиттік тәуекелге ұшырау шеңберіндегі ағымдағы жағдайға және т. б. қатысты ақпарат қаралады.

Директорлар кеңесінің тәуекелдерді басқару жүйесіне қатысуының маңызы зор және тиімділігі жоғары, тоқсан сайынғы негізде негізгі тәуекелдер бойынша мониторинг жүзеге асырылады: осы тәуекелдерге ұшырағыштықтың өзгерістері бойынша ақпарат ұсынылады, сондай-ақ оларды барынша азайту жоспарларының орындалуы бақыланады..

Директорлар кеңесінің инвестициялық жобаларға мониторинг жүргізудегі рөлі

«Самұрық-Энерго» АҚ компаниялар тобында ірі және маңызды инвестициялық жобаларды іске асыру Директорлар кеңесі оң мақұлдауын берген жағдайда жүзеге асырылады. Бұл талаптар мен рәсімдер Күрделі салымдар жобаларын басқару ережелерімен нақты сипатталып, регламенттелген.

Бұдан басқа, Директорлар Кеңесінің мүшелеріне тоқсан сайынғы негізде Компанияның инвестициялық қызметі туралы есеп ұсынылады. Күнтізбелік тоқсан аяқталғаннан кейін Директорлар кеңесінің тәуелсіз директорларына Стратегиялық жоспарлау комитетінің отырысында инвестициялық жобалар бойынша егжей-тегжейлі есеп ұсынылады: жобалар бойынша бақылау кезеңдеріне (орындарына) қол жеткізу үшін егжей-тегжейлі кестелер, жоспарлар және қажетті іс-шаралар талқыланады.

Директорлар кеңесінің ESG қағидаттарын алға жылжытудағы рөлі

Директорлар кеңесі орнықты даму саясатын жүзеге асырады және ESG саласындағы негізгі құжаттарды қарайды. Директорлар кеңесі осы саладағы негізгі құжат болып табылатын Орнықты даму саласындағы басшылықты бекітті, ол «Самұрық-Энерго» АҚ компаниялар тобы бойынша орнықты даму процестерін жүйелеуге бағытталған. Директорлар кеңесі 2023 жылға дейінгі орта мерзімді кезеңге қалыптастырылған орнықты даму саласындағы бастамалар жоспарын бекітті. Жоспарда үш бағыт – экономикалық, экологиялық және әлеуметтік бағыттар бойынша бастамалар бар, олар осы бастамаларды іске асырудың іс-шараларын, мерзімдері мен ҚНК-ні қамтиды. Бастамалар жыл сайын Басқарма мүшелерінің қатысуымен арнайы стратегиялық сессияда қаралады.

2021 жылы Директорлар кеңесі ESG саласындағы бағыт векторын айқындады және 2022–2031 жылдарға арналған өзектендірілген Даму стратегиясы шеңберінде Компания халықаралық танылған талдаушылардан ESG рейтингін алу үшін дайындық жүргізуде.

Директорлар кеңесі қызметінің үздіксіздігі

Қызметтің үздіксіздігін қолдау және Директорлар кеңесінің құрамын прогрессивті жаңарту мақсатында Компанияда «Самұрық-Энерго» АҚ Директорлар кеңесінің сабақтастық жоспары жұмыс істейді, оның ішінде оны орындау бойынша іс-шаралар жоспары да бар.

Директорлар кеңесінің, оның комитеттерінің мүшелігіне кандидаттар ұсыну мен іріктеу тәртібі, сондай-ақ тәуелсіздікті, кәсіби біліктілік пен тәжірибені қоса алғанда, бірақ олармен шектелмей, әралуандық факторларын ескере отырып, ұсыну және іріктеу кезінде пайдаланылатын өлшемшарттар Директорлар кеңесі туралы ережеге, «Акционерлік қоғамдар туралы» ҚР Заңына, Корпоративтік басқару кодексіне сәйкес жүзеге асырылады. Көрсетілген құжаттар Директорлар кеңесі мүдделер қақтығысын болдырмау және оларды басқару үшін пайдаланатын рәсімдерді регламенттейді.

Компанияда Директорлар кеңесінің жаңадан сайланған мүшелері үшін Кеңестің жаңадан сайланған мүшесіне өзінің құқықтарымен және міндеттерімен, Компанияның қызметінің негізгі аспектілерімен және құжаттарымен, оның ішінде ең жоғары тәуекелдермен байланысты құжаттармен танысуға мүмкіндік беретін лауазымға енгізу бағдарламасы бекітілді.

Директорлар кеңесі мүшелерінің сыйақысы

Директорлар кеңесі мүшесінің міндеттерін орындағаны үшін «Самұрық-Энерго» АҚ тәуелсіз директорлары алдын ала белгіленген сыйақы алады. Сыйақы мөлшері мен оны төлеу тәртібі Жалғыз акционердің шешімімен белгіленеді.

Тәуелсіз директорға тәуелсіз директордың тұрғылықты жерінен тыс жерде өткізілетін «Самұрық-Энерго» АҚ Директорлар кеңесінің және Директорлар кеңесі комитеттерінің отырыстарына баруға байланысты шығыстар (жол жүру, тұру, тәуліктік) өтеледі. 2021 жылы тәуелсіз директорларға төленген барлық сыйақы 122 222 АҚШ долларын немесе 52 527 182 теңгені құрады, бұл алдыңғы кезеңмен салыстыр­ғанда 46%-ға аз (2020 жылы – 76 937 592 теңге).

Мүдделер қақтығысы

Мүдделер қақтығысын басқарудың тиімді жүйесін құру, сондай-ақ қызметкерлердің мінез-құлқына қойылатын, әрі сақталуы Компанияда жеке мүдделер мен байланыстардың ықпалымен шешімдер қабылдау тәуекелдерін азайтуға мүмкіндік беретін талаптарды анықтау мақсатында бірқатар іс-шаралар өткізіледі.

2018 жылдан бастап «Самұрық-Энерго» АҚ-да Корпоративтік қақтығыстар мен мүдделер қақтығысын реттеу сая­саты қолданылады, оның аясында басшы қызметкерлер, бөлім бастықтары және одан жоғары қызметкерлер мүдделер қақтығысының жоқ екендігі туралы декларация толтырады.

«Самұрық-Энерго» АҚ-дағы бос лауазымдар мен еншілес және тәуелді ұйымдардағы басқарушы лауазымдарға үміткерлерді (лауазымдар тізбесіне сәйкес) іріктеу барысында сыбайлас жемқорлық тәуекелдері мен мүдделер қақтығыс­тарын болдырмау мақсатында оларды алдын ала біліктілік талаптарына сәйкестігіне және «Самұрық-Қазына» АҚ компаниялар тобының лауазымды тұлғаларымен үлестестігіне тексереді.

Корпоративтік жанжалдар мен мүдделер қақтығысын реттеу саясатына сәйкес Директорлар кеңесінің мүшелері 2021 жылы мүдделер қақтығысына жол берген жоқ, Директорлар кеңесі мүшелерінің жеке мүдделілігі олардың өз міндеттерін тиісінше атқаруына ықпал етуі мүмкін болатын жағдайлар туындаған жоқ; әділ шешімдер қабылдауға ықпал ететін немесе әлеуетті әсер етуі мүмкін мүдделер қақтығысына байланысты жағдайлар тіркелген жоқ, Директорлар кеңесінің мүшелері мұндай шешімдерді талқылауға және қабылдауға қатысқан жоқ.

ДИРЕКТОРЛАР КЕҢЕСІНІҢ КОМИТЕТТЕРІ

Кеңес өз атынан белгілі бір міндеттерді орындау үшін мәселелер мен қабылданатын шешімдерді неғұрлым терең зерделеп, сапалы пысықтау мақсатында тиімді жұмыс істеуі және тиісті назар аударуы үшін өзінің комитеттеріне өкілеттік береді.

Компанияда Директорлар кеңесінің жанында экономикалық, экологиялық және әлеуметтік мәселелер бойынша ұсынымдарды дайындауға жауапты мынадай комитеттер жұмыс істейді: Аудит комитеті, Тағайындаулар және сыйақы комитеті, Стратегиялық жоспарлау комитеті, сондай-ақ Қауіпсіздік, еңбекті қорғау және қоршаған ортаны қорғау жөніндегі комитет. Директорлар кеңесі терең зерделеу және комитеттердің әзірленген ұсынымдары негізінде орнықты даму қағидаттарын ескере отырып, көрсетілген аспектілер бойынша шешімдер қабылдайды.

Директорлар кеңесі комитеттері қызметінің қорытындылары бойынша есеп

КОМИТЕТТЕР БОЙЫНША ОТЫРЫСТАРДА ҚАРАЛҒАН МӘСЕЛЕЛЕР САНЫ

Аудит комитеті

Комитет қызметінің мақсаты Компанияның қаржы-шаруашылық қызметіне бақылау жасаудың тиімді жүйесін белгілеуге қатысты мәселелерді тереңдете зерттеу үшін Директорлар кеңесіне жәрдем көрсету, оның ішінде қаржылық есептіліктің толықтығы мен дұрыстығы, ішкі бақылау мен тәуекелдерді басқарудың сенімділігі мен тиімділігіне бақылау жасау, корпоративтік басқару саласындағы құжаттардың орындалуына бақылау жасау, сыртқы және ішкі аудиттің тәуелсіздігін бақылау, сондай-ақ Қазақстан Республикасы заңнамаларының сақталуын қамтамасыз ету болып табылады.

Комитет құрамы:

• Андреас Сторзел – Тәуелсіз директор, Комитет төрағасы;
• Хоакин Галиндо – Тәуелсіз директор, Комитет мүшесі.

Аудит комитеті отырыстарының саны

Негізгі қаралған мәселелер

Қаржылық есептілікті әзірлеу мәселелері бойынша атқарушы органмен, сыртқы аудиторлармен кездесулер өткізілді. Ішкі аудит қызметі, «Комплаенс» қызметі және «Тәуекел Менеджменті және Ішкі Бақылау» департаменті жұмыстарының мәселелері қаралды.

Тағайындаулар және сыйақы комитеті

Тағайындаулар және сыйақы комитеті Директорлар кеңесінің консультативтік-кеңестік органы болып табылады, ол Компанияның ішкі нормативтік құжаттарына сәйкес Директорлар кеңесінің мүшелерін, Басқарма құрамын, Корпоративтік хатшыны, сондай-ақ басқа қызметкерлерді тағайындау және оларға сыйақы белгілеу мәселелері бо­йынша ұсынымдар әзірлеуді қамтамасыз етеді.

Комитет құрамы:

• Хоакин Галиндо – Тәуелсіз директор, Комитет төрағасы;
• Андреас Сторзел – Тәуелсіз директор, Комитет мүшесі;

Тағайындаулар және сыйақы комитеті отырыстарының саны

Негізгі қаралған мәселелер

Есептік мерзім ішінде Директорлар кеңесіне «Самұрық-­Энерго» АҚ компаниялар тобы бойынша Байқаушы кеңес/Директорлар кеңесі мүшелерін сайлау мәселелеріне қатысты ұсыныстар берілді. 2021–2022 жылдарға арналған СЕО-1 негізгі позицияларына сабақтастық бағдарламасын алдын ала қарау туралы, Бизнесті трансформациялау жөніндегі басқарушы директордың лауазымын сипаттау (Job description) мен бағалауды алдын ала келісу туралы, «Самұрық-Энерго» АҚ Бизнесті трансформациялау жөніндегі басқарушы директорының – Басқарма мүшесінің 2021 жылға арналған жеке даму жоспарын алдын ала қарау туралы, «Самұрық-Энерго» АҚ -ның кадр саясатының іске асырылу барысы туралы, Компанияның ұйымдық құрылымын жаңа редакцияда бекіту туралы есепті алдын ала келісу бойынша ұсынымдар берілді.

«Самұрық-Энерго» АҚ Басқарма мүшелері, Ішкі аудит қыз­метінің басшысы және Корпоративтік хатшы қызметінің негізгі көрсеткіштерінің нақты мәні, «Самұрық-Энерго» АҚ Басқарма мүшелері, Ішкі аудит қызметінің жетекшісі мен Корпоративтік хатшысының мотивациялық НҚК-сі қаралды. 

Стратегиялық жоспарлау комитеті

Стратегиялық жоспарлау комитетінің мақсаты Компания қызметінің басым (даму) бағыттарын, стратегиялық мақсаттарын (даму стратегияларын) әзірлеу, Компанияның  инвестициялық жобаларын, шеберлік жоспарларын және Компанияның ұзақ мерзімді келешектегі қызметінің тиімділігін арттыруға ықпал ететін іс-шараларды іске асыру, еңбекті және қоршаған ортаны қорғау мәселелерін қоса алғанда, орнықты дамуды басқару жүйесін ендіру мәселелері бойынша ұсынымдар беруді қамтамасыз ету болып табылады.

Комитет құрамы:

• Андреас Сторзел – Тәуелсіз директор, Комитет төрағасы;
• Хоакин Галиндо – Тәуелсіз директор, Комитет мүшесі.

Стратегиялық жоспарлау комитеті отырыстарының саны

Негізгі қаралған мәселелер

Тоқсан сайын мынадай: 2022–2031 жылдарға арналған Даму стратегиясын алдын ала қарау туралы «Самұрық-
Энерго» АҚ-ның Корпоративтік басқаруды жетілдіру жөніндегі іс-шаралар жоспарының орындалуы және Корпоративтік басқару кодексін ендіру туралы, Компанияның 2018–2028 жылдарға арналған Даму стратегиясын іске асыру жөніндегі іс-шаралар жоспарын қарау туралы, Компанияның Даму жоспарының орындалуы туралы, Компанияның инвестициялық жобалары бойынша инвестицияларды игеруі туралы, Компанияның Цифрлық трансформациялау бағдарламасының іске асырылу барысы туралы есептер қаралды.

Компанияның Маңыздылық матрицасын, Компанияның Қаржылық стратегиясын, құны 1 млрд теңгеден асатын Екібастұз ГРЭС-1 №4 Энергия блогын күрделі жөндеу жобасын, Қоғам деңгейінде шығаруға жататын стратегия­лық емес активтердің (дивестициялардың) тізбесін, 2020 жылғы стейкхолдерлермен өзара іс-қимыл және кері байланыс тетігі жөніндегі есепті қаралды.

Қауіпсіздік, еңбекті және қоршаған ортаны қорғау комитеті

Комитеттің мақсаты Директорлар кеңесіне қауіпсіздік, еңбекті қорғау және қоршаған ортаны қорғау мәселелері бо­йынша ұсынымдар дайындау, бағалау, талдау және тиімді жұмыс жүргізу арқылы Компания қызметінің тиімділігін арттыруды қамтамасыз ету болып табылады.

Комитет құрамы:

• Хоакин Галиндо– Тәуелсіз директор, Комитет төрағасы;
• Андреас Сторзел – Тәуелсіз директор, Комитет мүшесі.

Қауіпсіздік, еңбекті және қоршаған ортаны қорғау комитеті отырыстарының саны

Негізгі қаралған мәселелер

Қауіпсіздік, еңбекті қорғау және өндірістік жарақаттану саласындағы жұмыс туралы есепті тоқсан сайын қарау.

«Самұрық-Энерго» АҚ компаниялар тобының Корпоративтік менеджмент жүйесінің саясатын, Қоғам компаниялары тобында 2021 жылға арналған еңбекті және қоршаған ортаны қорғау мәселелерін басқару жөніндегі іс-шаралар жоспарын қарау.